في اليوم العالمي للمعلم القائد التربوي محمد بن صالح الماضي يهدي المعلمين والمعلمات قصيدة نبطية تقديراً لعطاءاتهم المباركة .

من هقى انه يرتقي راس القمم
و بانيٍ ساسه على قاع الليونه
ومن يظن انه سبق باقي الأمم
وما رفع شان الذي كثرت فنونه
خاب ظنه و اختلف عالي الفهم
وانتكس شانه قبل تصدق ظنونه
ثم وش حيلة قليلين الهمم
كان ماهدي الرسول يدرسونه
المعلم يزرع افضال وقيم
الرقي والعلم ورفعٍ للمهونه
والطبيب اللي بعلمه قد سلم
الخلايق بعد ربي يقصدونه
والذي علّا المباني واحتزم
خطط المبنى وعليت به متونه
والجنود اللي بسعودية كرم
هم عذاب الضد يامال المعونه
كل من قلنا مثلهم كم وكم
فضله وجوده عليهم يحفظونه
المعلم هو منابر في القدم
وما تغير شي والعاقل يصونه
يا بلادي عشتي ثم عاش العَلم
وعاشوا طلقين المراجل سد دونه