مبروك يا صوّام شهر رمضاني
قضيتوا في شهر العبادات مدة
عسى الله يحقق جميع الأماني
ويزيل عن من صام له كل شده
والله يرزقنا العفو والجناني
ومن مال عن درب الهدايه يرده
واليوم ورد الحب غطى المحاني
بقطف لكم من كل معلوق ورده
واخط لأحبابي جميل المعاني
خصوصاً اللي تبذل الخير يده
ازف يوم العيد عذب التهاني
للي لهم وسط الضماير موده
داعي غلاكم والمحبه دعاني
ودارت فناجيل الوفا المستعده
مبروك يااصحاب الخصال الحساني
اللي محبتنا لكم مستجده
كل عام وأنتم بخير 💐
الشاعر خالد عبدالرحمن السبيعي
(
(
